Encara Nadau

Adius a la val d'aran


Enten, enten, l'accordeon,
Dus pas de dança, ua cançon,
Eth haro que s'a alugat,
Sant Joan, Sant Joan, se n'ei tornat.

Val d'Aran, cap de Gasconha,
Luenh de tu, que'm cau partir,
Val d'Aran, cap de Garona,
Luenh de tu, que'm vau morir.

Era passejada, un ser d'estiu,
E com te va? adiu, adiu,
Un troç de pan, un cop de vin,
Parlar deth temps, damb eth vesin.

Es cueires luden sus eth bufet,
Totis es records ena paret,
Non se pot estancar eth temps,
Mès Aranés, tostemp, tostemp.

Tornar a pujar enquià era nhèu,
Un darrèr cop eth cap en cèu,
Setiat dessus eth gran calhau,
Guardar eth sorelh en gran portau.

Companhs de Les e de Bossost,
De Salardu, de Vilamos,
Brenbatz-vo'n plan deth praube Joan
Qui a estimat tant era val d'Aran.